عمل اختصار لتشغيل اي برنامج بواسطة الكي بورد

من طرف زهرة الجمعة فبراير 15, 2013 3:21 pm

هشرح انهاردة طريقة عمل اختصار لتشغيل اي برنامج بواسطة الكي بورد

اول حاجة مثلا
انا هعمل اختصار لمتصفح الفايرفوكس

هروح علي الايقونة بتاعة الفايرفوكس سواء في قايمة start او علي الديسك توب ( سطح المكتب )
وهعمل كليك يمين علي الايقونة واختار properties

هتظهرلي دي هروح علي المكان اللي اسمه shortcut key
واقف بالماوس ف الخانة اللي فيها كلمة none
هتلاقيها مش بتتمسح الكلام اللي فيها ولا حاجة

المهم مثلا هتعملي الاختصار بتاع الفايرفوكس
مثلا انا عملته ctrl + Alt + 1

هتقوم بالكي بورد تقف علي ctrl و Alt و رقم 1

هتلاقيه هو بيتكتبلك لوحده

بعد كدة تضغط علي Ok

وجرب كدة تضغط علي الاختصار اللي عملته هتلاقيه يفتحلك المتصفح فايرفوكس

وممكن تعمل الموضوع ده علي اي برنامج او اي لعبة اي حاجة الجهاز

وعشان تلغي الاختصار
هتعمل نفس الخطوات
] بس لما تيجي تقف عند الخانة اللي مكتوب فيها الاختصار
هتقوم تضغط علي Delete في الكي بورد[
هتلاقيها رجعت لكلمة None تاني

[b]*ملحوظة*

[b]لا يمكنك استخدام المفاتيح ESC أو ENTER أو TAB أو SPACEBAR أو PRINT SCREEN أو SHIFT أو BACKSPACE لإنشاء اختصار بلوحة المفاتيح.

المصدر منتدى فتكات